បុកកាពិញាំុជាមួយបន្លែ និង ត្រីសមុទ្រចៀន

វិធីទី១:

- ត្រីសមុទ្រ រឹ ត្រីទឹកសាបអាំង

- ខ្ទឹមស ខ្ទឹមក្រហម ម្ទេស កាពិ អាំងក៏បានដុត

ក៏បាន

- អំពិលទុំត្រាំទឹកក្តៅ

- យកត្បាល់មកបុកកាពិ ខ្ទឹម ម្ទេសអោយ

ម៉ត់ថែមស្ករ ម៉្សៅស៊ុប ហើយបេះសាច់ត្រីអាំង

ចូលក្នុងត្បាល់បុកលាយជាមួយគ្នាច្របល់

អោយសព្វទើបចាក់ទឹកអំពិលទុំចូល កូរចូលគ្នា

អោយសព្វភ្លក់រសជាតិជូរហិលតាមចំណូល

ចិត្ត។


វិធីទី២:

- បង្គាស្រស់ បកអោយស្អាតស្រុះអោយឆ្អិត

ទុក១អន្លើ

- កាពិ ខ្ទឹមស ខ្ទឹមក្រហម ម្ទេស ខ្ចប់

ក្រដាស់អាលុយមីញូមអាំងក៏បាន ដុតក៏បាន

- បុកកាពិ ខ្ទឹម ម្ទេស ស្ករ ម្សៅស៊ុប បង្គារស្រុះ

ចូលគ្នាអោយម៉ត់ទើបដួសដាក់ចានហើយ

ច្របាច់ក្រូចឆ្មារចូលកូរចូលគ្នាអោយសព្វទើប

ភ្លក់រសជាតិ ( បុកកាពិត្រូវការស្ករ ម្ទេស និង 

ទឹកម្ជូរច្រើនទើបឆ្ងាញ់ )

- បុកកាពិតាមវិធីទី២នេះយើងអាចញាំុជាមួយបន្លែ និងត្រីអាំង រឺចៀន

* សំរាប់បន្លែអ្វីក៏បានតាមចំណូលចិត្ត បន្លែភាគច្រើនស្រុះ និង ចៀនជាមួយម្សៅស្រួយ លើក

លែងតែត្រសក់

គួរអោយចង់ញ៉ាំណាស់លោកអើយ!

សង្ខ្យាល្ពៅ

ចូលចិត្តមួយណាដែរបងៗ

អំពិលត្រាំ

បបរសណ្តែកខ្មៅដូងខ្ចី

គ្រឿងផ្សំ៖ 

ចំណិតដូងខ្ចី អង្ករតំណើប សណ្តែកខ្មៅ ស្ករ អំបិល ខ្ទិះដូង។

វិធីធ្វើ៖ 

១- ត្រាំសណ្តែកខ្មៅ ៥-៦ម៉ោង មុនយកស្ងោរ។ ពេលស្ងោរ ដាក់អំបិលបន្តិច រំងាស់អោយផុយ ទើបលាងសម្រស់ អោយស្រស់ទឹក ទុកមួយអន្លើ។ 
២- ពូតខ្ទិះដូង យកខ្ទិះដើមទុក រំងាស់ខ្ទិះចុងដៃអោយឆ្អិន ទើប ដាក់អង្ករតំណើបចូល រំងាស់ រហូតដល់បែកគ្រាប់អង្ករ ទើបចាក់សណ្តែកចូល។
៣- បង់ស្ករ អំបិល ភ្លក្សថែមថយ តាមចំណូលចិត្ត រួចទើបបង់សរសៃដូងខ្ចី ដាំអោយពុះ ហើយលើកចុះពីភ្លើង។ 
៤- យកខ្ទិះដើម ទៅដាំអោយពុះ ទើបលើកទុកអោយត្រជាក់។ 
៥- ពេលដួសបបរបរិភោគ ត្រូវច្រូចខ្ទិះដើម ចូលបន្តិច ដើម្បីអោយឈ្ងុយ។ 

អ្នកស្រី កែវ ច័ន្ទបូរណ៍

បង្អែ​មប​បរ​ត្នោ​ត

គ្រឿ​ងផ្សំ​ :

- ត្នោ​ត ៥​​ គ្រាប់ ​(សាច់​​ទន់) ​ចិត្ត​ជាចំណិតៗ

- អ​​ង្ករដំណើប​​ ១ ចានច​​ង្កឹះពេញ​លាងឲ្យ​ស្អាត

- ស្ក​​រត្នោត ២​០​០ ​ក្រាម

- អំ​បិ​​ល ១ ស្លា​ប​ព្រា​កា​ហ្វេ

វិធី​ធ្វើ:

- មុ​នដំ​បូង​​ត្រូវដាក់ទឹក និ​ងអង្ករដំ​ណើបក្នុ​ងឆ្នាំង​ដាំជា​មួយ​គ្នាឲ្យ​​ពុះ ប​ន្ទាប់​មកដា​ក់អំបិល​​ និង​ស្ករត្នោត​ចូល។

 បន្ទា​ប់ពី​នោះម​កនៅ​ពេល​ដែល​​ពុះត្រូវ​ដាក់​​ត្នោតចូលទុក​មួយ​ពុះប្រ​​ហែលជា ២​ ទៅ ៣ នា​​ទីជាការ​ស្រេច។

+ វីធីធ្វើ​ ខ្ទិះដូ​ងឲ្យឈ្ងុ​យឆ្ងា​ញ់ 

ខ្ទិះដូ​ង ១ ចា​នគោម​ធំ, ស្ករស ២​ ស្លាបព្រាបា​យ, ​អំបិល ១​ ស្លាបព្រាកាហ្វេ, ​​ម្សៅមី ១ ស្លាបព្រា​កាហ្វេ ដា​ក់ចូលទៅ​ក្នុងឆ្នាំងរួ​ចហើ​យកូរវាឲ្យ​រលាយ យ​កទៅដាក់លើ​ភ្លើងកូ​របន្ត​​ទៀត​ឲ្យពុះហើយរា​​ងខា​ប់ ទុក​ដាក់​ពេល​​ដួស​ញាំ។

បុកម្ទេសនិងប្រហុក

គ្រឿងផ្សំ:

- ម្ទេស ខ្ទឹមស ខ្ទឹមក្រហម យកទៅលីង 
- ប្រហុក យកទៅអាំងអោយឆ្អិន
- ត្រីអាំង បេះយកសាច់
- ក្រូចឆ្មា ស្ករស
- បន្លែគ្រប់មុខ តាមការចូលចិត្ត

វិធីធ្វើ: 

- យកម្ទេស ខ្ទឹមស ខ្ទឹមក្រហម មកបុកលាយជាមួយប្រហុក ត្រីអាំង ស្ករស និង ទឹកក្រូចឆ្មា រួចភ្លក់មើលអោយល្មមតាមការចូលចិត្តរួចជាការស្រេច ។ 

ញាំុស្វាយត្រីឆ្អើរ

គ្រឿងផ្សំ:

- ស្វាយខ្ចី ឈូសជាសសៃៗ
- ត្រីឆ្អើរ បកអោយស្អាត បេះសាច់អោយតូចៗ
- បង្គាក្រៀម
- ខ្ទឹមស ខ្ទឹមក្រហម ហាន់ជាបន្ទះស្ដើងៗ
- ស្ករស ទឹកត្រី ម្សៅស៊ុប អំបិល
- ម្ទេស
- ជីគ្រប់មុខ

វិធីធ្វើ:

- យកស្វាយដែលឈូសហើយ មកដាក់លាយជាមួយ ទឹកត្រី ស្ករស ម្សៅស៊ុប អំបិលបន្តិច បង្គាក្រៀម ខ្ទឹមស ខ្ទឹមក្រហម ត្រីឆ្អើរ រួចច្របល់ចូលគ្នាអោយសព្វចូលជាតិ រួចភ្លក់មើលអោយល្មម តាមការចូលចិត្ត បន្ទាប់មកដាក់ ម្ទេស និង ជីគ្រប់មុខចូលច្របល់ចូលគ្នាអោយសព្វ រួចជាការស្រេច ។

ប្រហុកខ្ទិះ

គ្រឿងផ្សំ :

- សាច់ជ្រូក ចិញ្ច្រាំអោយម៉ត់
- ប្រហុក ចិញ្ច្រាំអោយម៉ត់
- គ្រឿងបុក (គល់ស្លឹកគ្រៃ ស្លឹកក្រូចសើច រមៀត រំដេង ខ្ទឹមស)
- ម្ទេសក្រៀម ចិញ្ច្រាំអោយម៉ត់
- សណ្ដែកដីលីង បុករៀងម៉ត់បន្តិច
- ស្ករត្នោត ម្សៅស៊ុប អំបិល
- ខ្ទិះដូង (ខ្ទិះដើមនិងខ្ទិះចុង)
- ត្រប់ពុតញង យកទៅរំលីង

វិធីធ្វើ​ :

- យកខ្ទិះដូងដាក់ក្នុងខ្ទះទុកអោយក្ដៅពុះចេញប្រេងហើយ រួចដាក់ម្ទេសក្រហម គ្រឿងបុក និង សណ្ដែកដីលីងចូល កូរអោយឡើងក្រហមឈ្ងុយ។ បន្ទាប់មកដាក់ ប្រហុក សាច់ជ្រូក ស្ករត្នោត ម្សៅស៊ុប អំបិល និង បន្ថែមខ្ទិះចុងចូលបន្តិច រួចកូរអោយសព្វចូលជាតិគ្នា ហើយភ្លក់មើលអោយល្មម តាមការចូលចិត្ត។ បន្តរំងាស់អោយចូលជាតិ និង ឆ្អិនល្អហើយ ទើបដាក់ត្រប់ពុតញងចូល កូរអោយសព្វ ទុកអោយឆ្អិន រីងទឹក ( នៅខាប់ៗ ) បន្ទាប់មកទើបដួសចេញ ជាការស្រេច។